მიმართულება 02 — ელ.ფოსტა
mailcow-ზე აწყობილი კორპორატიული ფოსტა — საზიარო ან ინდივიდუალურ სერვერზე. თქვენი დომენი, საფოსტო ყუთები, alias-ები და გადამისამართებები, ორი ვებ-ინტერფეისი და გამართვის სრული მხარდაჭერა.
ორი მოდელი
ორივე შემთხვევაში მიიღებთ იმავე mailcow-სა და მხარდაჭერას. განსხვავება ისაა, ვის სერვერზე განთავსდება ფოსტა და რამდენ რესურსს გაიზიარებთ სხვა მომხმარებლებთან.
ერთი სერვერი, რამდენიმე დომენი
თქვენი დომენი და ელ.ფოსტები ერთ სერვერზეა, სადაც შეიძლება სხვა დომენებიც იყოს განთავსებული. ტექნიკურად იზოლირებული და ეკონომიური ვარიანტია მცირე და საშუალო გუნდებისთვის.
ცალკე რესურსი
mailcow ცალკე სერვერზე — გამოყოფილი IP, გამოყოფილი რესურსი და დატვირთვის სრული კონტროლი. რესურსების მოცულობა და თვიური ღირებულება ინდივიდუალურად განისაზღვრება.
ლიმიტები
ფოსტა არ უნდა ითვლიდეს თანამშრომლებს. ვაწყობ ისე, რომ ახალი ყუთის დამატება ერთი წუთის საქმე იყოს — დამატებითი გადასახადის გარეშე.
რამდენი თანამშრომელიც გყავთ — იმდენი ყუთი. ახალი თანამშრომელი არ ნიშნავს ახალ ხარჯს.
info@, sales@, support@ — ერთ ან რამდენიმე მისამართზე. იმდენი, რამდენიც გჭირდებათ.
მთავარი დომენი, ბრენდები და ქვედომენები ერთ მართვის პანელში.
ძველი წერილები ლიმიტის გამო არ იშლება — არქივი თქვენს კონტროლშია.
ერთადერთი რეალური ზღვარი დისკის მოცულობაა — და ის რესურსების პაკეტით განისაზღვრება, არა მომხმარებლების რაოდენობით.
ვებ ინტერფეისი
ორივე ღია კოდის პროდუქტია და ორივე სტანდარტულად შედის პაკეტში. დამატებითი გადასახადი არ არსებობს — ირჩევ, რომელი უფრო მოგწონს, ან ორივეს ვტოვებ ჩართულს.
მდიდარი ინტერფეისი: ფოსტა, კალენდარი, კონტაქტები და ამოცანები ერთ სივრცეში. კარგი არჩევანია გუნდისთვის, რომელიც კალენდარს აქტიურად იყენებს.
მინიმალისტური, ნაცნობი ინტერფეისი, რომელიც ნებისმიერ ბრაუზერში სწრაფად იტვირთება. იდეალურია, როცა მთავარი კლიენტი Thunderbird ან Outlook-ია.
ორივე ინტერფეისი ერთდროულად შეიძლება იყოს ჩართული — ერთი და იმავე ყუთისთვის.
პროგრამები
ვეხმარები სრულ კონფიგურაციაში: ავირჩიოთ პროგრამა, დავაყენოთ, დავაკავშიროთ და ვასწავლო გამოყენება. ყველა ქვემოთ ჩამოთვლილი უფასოა.
Mozilla-ს უფასო კლიენტი Windows, macOS და Linux-ზე. კალენდარი, კონტაქტები და დანამატები — ყველაფერი ერთში.
თუ უკვე იყენებთ Outlook-ს, ვაკავშირებ IMAP/SMTP-ით — ლიცენზიის შეცვლა არ დაგჭირდებათ.
macOS-სა და iOS-ში ჩაშენებული კლიენტი — დაყენება არ სჭირდება, მხოლოდ სწორი პარამეტრები.
Gmail აპი, Apple Mail ან K-9 Mail — ფოსტა ყოველთვის ხელთ, push შეტყობინებებით.
კონფიგურაციის პარამეტრებს (IMAP/SMTP ჰოსტი, პორტები, TLS) ვაწვდი მზა ინსტრუქციის სახით — ერთი გვერდი, რომელიც გუნდს თავად შეუძლია გამოიყენოს.
წვდომა და კონტროლი
ფოსტა თქვენი ინფრასტრუქტურაა და კონტროლი თქვენთან უნდა დარჩეს. ტექნიკური მართვა ხორციელდება შეთანხმებული წვდომით.
თითოეული საფოსტო ყუთის პაროლი თქვენთან რჩება. საჭიროების შემთხვევაში შესაძლებელია მისი შეცვლა თქვენი მოთხოვნით.
მართვის პანელიდან შეგიძლიათ დაამატოთ საფოსტო ყუთი, შეცვალოთ პაროლი ან გააუქმოთ თანამშრომლის წვდომა.
განახლებები, DNS, ანტისპამი, რეპუტაცია, სარეზერვო ასლები და ინციდენტები — მომსახურების შეთანხმებული ნაწილი.
საჭიროების შემთხვევაში მონაცემები და კონფიგურაცია სრულად გადმოგეცემათ.
ეს მოდელი განსხვავდება „ყუთიანი“ სერვისებისგან: არავინ გიმალავს წვდომას და არავინ გიჭერს მონაცემებს.
მიწოდება
mailcow-ის სერვერებზე გამავალ ფოსტას ვატარებ პროფესიონალური SMTP პროვაიდერების გავლით. ეს ნიშნავს უკეთეს რეპუტაციას, ნაკლებ სპამში ვარდნას და სტაბილურ მიწოდებას.
გამავალი ფოსტა იგზავნება სპეციალიზებული პროვაიდერის IP-ებიდან, რომლებსაც წლების რეპუტაცია აქვთ.
ყველა აუთენტიფიკაციის ჩანაწერი გამართულია პროვაიდერის მოთხოვნების მიხედვით.
ვხედავ, რომელი წერილი ვერ მივიდა და რატომ — bounce-ებისა და ლოგების ანალიზით.
პროვაიდერის ჩავარდნის შემთხვევაში ფოსტა არ ჩერდება — მუშაობს სარეზერვო გზა.
პროვაიდერის არჩევანი დამოკიდებულია მოცულობასა და ბიუჯეტზე — ვირჩევთ ერთად, ყოველთვიური ხარჯი გამჭვირვალეა.
ავტომატური წერილები
თუ თქვენს სისტემებს სჭირდება ავტომატური წერილები — ერთჯერადი კოდები, პაროლის აღდგენა ან შეკვეთის სტატუსი — ვაწყობ და ვმართავ ამ არხს ცალკე, რომ ტრანზაქციული ფოსტა მარკეტინგულს არ შეერიოს.
ერთჯერადი კოდები ავტორიზაციისთვის, რეგისტრაციისთვის ან ტრანზაქციის დადასტურებისთვის.
სისტემური წერილები, რომლებიც არ უნდა ხვდებოდეს სპამში — ცალკე ნაკადი, ცალკე რეპუტაცია.
SMTP რელე ან API — ვუკავშირებ ვებსაიტს, CRM-ს, ERP-ს და შიდა სერვისებს.
შესაძლებელია შიდა სერვერის რესურსებით ან მესამე მხარის ღრუბლოვანი სერვისით — დატვირთვის მიხედვით.
ტრანზაქციული ფოსტა ცალკე დომენზე ან ქვედომენზე გადის — ასე ძირითადი კორპორატიული ფოსტის რეპუტაცია დაცულია.
ფასი
სტანდარტული სერვისი 1 დომენზე იწყება 70 ლარიდან თვეში. ზრდასთან ერთად იზრდება მხოლოდ რესურსი — არა ყუთების რაოდენობა.
1 დომენი
საზიარო ან მცირე ინდივიდუალურ სერვერზე. ყველაფერი, რაც მცირე გუნდს სჭირდება — ერთი ფიქსირებული თანხით.
რესურსებით
როცა ყუთები იზრდება და დისკი ივსება, თანხა ითვლება რესურსებიდან — ყოველთვიურად და გამჭვირვალედ.
წინასწარი დაგეგმვა
მრავალი დომენი, დეპარტამენტები და კომპლექსური მოთხოვნები — ასეთ შემთხვევაში საჭიროა ცალკე დაკავშირება და წინასწარი დაგეგმვა.
ფასში არ შედის მესამე მხარის SMTP პროვაიდერის ხარჯი — ის ცალკე და გამჭვირვალედ ითვლება.
ელ.ფოსტა / capabilities
საზიარო თუ ინდივიდუალური სერვერი, მესამე მხარის SMTP მიწოდება, SOGo და Roundcube, უფასო კლიენტები და შემდგომი ტექნიკური მოვლა.
name@თქვენიკომპანია.ge — პროფესიონალური მისამართი ყველა თანამშრომლისთვის.
არავითარი ლიმიტი ყუთებზე, alias-ებზე და გადამისამართებებზე — ზრდა ხარჯს არ ზრდის.
Rspamd, ClamAV და რეპუტაციის კონტროლი — inbox სუფთა რჩება.
სწორი DNS ჩანაწერები და მესამე მხარის SMTP, რომ წერილები სპამში არ ხვდებოდეს.
გადმოვიტან არსებულ ფოსტას, კონტაქტებსა და კალენდრებს შეფერხების გარეშე.
განახლებები, ავტომატური სარეზერვო ასლები და აღდგენის ტესტირება ყოველთვიურად.
process
ვირჩევთ მოდელს — საზიარო თუ ინდივიდუალური სერვერი — და რესურსებს ვითვლით რეალური მოთხოვნიდან.
DNS-ის მომზადება, MX ჩანაწერები და SPF/DKIM/DMARC-ის გეგმა.
mailcow-ის გაშვება, TLS სერტიფიკატები, SMTP პროვაიდერის მიერთება და მონიტორინგი.
არსებული ყუთების, კონტაქტებისა და კალენდრების გადატანა შეფერხების გარეშე.
განახლებები, სარეზერვო ასლები, რეპუტაციის კონტროლი და ახალი ყუთების დამატება.
cases
კომპანია გადავიდა საჯარო სერვისიდან საკუთარ mailcow-ზე, ისტორიის სრული შენარჩუნებით.
8 ყუთი, 3 alias და ერთი დომენი — სტაბილური ფოსტა დაბალი თვიური ხარჯით.
ვებსაიტის ავტორიზაციის კოდები და პაროლის აღდგენა ცალკე ტრანზაქციულ ნაკადზე.
faq
საზიარო სერვერზე თქვენი დომენი სხვა დომენებთან ერთად განთავსდება — ეს უფრო ეკონომიური და სწრაფი ვარიანტია. ინდივიდუალურ სერვერზე მთელი რესურსი და ცალკე IP თქვენს განკარგულებაშია — მეტი კონტროლითა და სტაბილურობით.
დიახ — mailcow შეიძლება განთავსდეს თქვენს VM-ზე ან ფიზიკურ სერვერზე, სრული დოკუმენტაციით.
არაფერი — ყუთებზე, alias-ებსა და გადამისამართებებზე ლიმიტი არ არის. იზრდება მხოლოდ დისკი, თუ რეალურად დაგჭირდა.
პაროლები თქვენთან რჩება. საჭიროების შემთხვევაში შესაძლებელია მათი შეცვლა, ხოლო მართვის პანელი თქვენთვისაც ღიაა — შეგიძლიათ დაამატოთ საფოსტო ყუთები და შეცვალოთ პაროლები.
დიახ — IMAP/SMTP მუშაობს ნებისმიერ კლიენტთან: Thunderbird, Outlook, Apple Mail, Android და iOS. კონფიგურაციაში ვეხმარები.
ერთი დომენის ფოსტა, ულიმიტო ყუთი და alias, ორივე ვებ ინტერფეისი, SPF/DKIM/DMARC, ანტისპამი, სარეზერვო ასლები და მოვლა. მესამე მხარის SMTP პროვაიდერის ხარჯი ცალკე ითვლება.
მოკლე საუბარი საკმარისია იმის გასაგებად, საზიარო სერვერი გჭირდებათ თუ ინდივიდუალური.
ვისაუბროთკონტაქტი
დამიკავშირდით ტელეფონით ან WhatsApp-ით. კრიტიკულ ინციდენტებზე ხელმისაწვდომობა 24/7-ია, სხვა მოთხოვნებზე კი პასუხი შეთანხმებული რეჟიმით გაიცემა.
24/7 კრიტიკულ ინციდენტზე — პასუხის რეჟიმი
თუ ზარს ვერ ვუპასუხებ, დაგიკავშირდებით უკან.